華園餃子館

營業中

休息中

雖然佢係餃子店，但有好多選擇唔同小食同面類。有個鵝油拌麵，冇餸睇圖份量唔大但要成70蚊; 另一個豆乳撈丁都係冇餸但4x蚊，一於試個平少少先。份量真係好少…但散發住極香濃既腐乳味道! 面質彈牙加上腐乳又幾夾喎! 食完一個面係唔會飽…想再叫多個，哈哈! 不過既然佢係餃子店，當然要一試佢既餃子既。蕃茄餃子，餃皮唔厚，唔會一陣粉味; 而蕃茄就普通肉味唔突出…總括唔太特別，味道不過不失。