星願 居酒屋 (已結業)

今日同好耐冇見嘅朋友仔聚會見下面，朋友介紹咗一間位於將軍澳佢屋企附近嘅日本居酒屋，咁就去咗佢嗰邊同佢一齊去試下呢間日式料理餐廳喇~ 呢度嘅氣氛、食物質素、服務態度都真係唔錯，環境又闊落清靜，幾似喺日本嘅感覺。呢度嘅日式飲食選擇有非常之多，而我就選擇咗午餐嘅定食加小食，揀咗御便當D 豚骨叉燒 博多餃子招牌玉子 $ 48，佢仲可以玉子轉做沙律嘅。我諗住都唔係好大份，所以叫多咗燒高雄娃娃菜、帆立貝。但上菜之後發現份量係完全足夠一個成年人，所以都唔使擔心呢個中午定食唔夠飽，值得一讚嘅係佢嘅刺身非常之新鮮甜美、餃子外脆內軟仲熱嘅！豚肉甜而不膩同飯一齊食啱啱好~ 真係非常之好食 又平喎 真係推介大家可以試下！