影片
更多
2019-05-13
136 瀏覽
琴日考完試，諗住同朋友去油麻地食飯、行街。記得有朋友講過 “大本瀛” 嘅放題幾好食，就一於去試吓，獎勵吓自己。係環境方面，未入餐廳已經被門口貼住嘅食物相吸引住。好鍾意餐廳嘅牆紙同間隔。牆紙係日本鬧市嘅景象，就好似去咗日本咁。而枱之間都有竹簾隔住。透光之餘，又保持到私隱度，仲增添咗日本風味添。喺食物方面，都有唔少選擇。最鍾意佢嘅炸天婦羅，炸粉超薄，十分驚艷。好多餐廳D 炸物，尤其天婦羅都會好厚炸粉。但呢度嘅天婦羅，D 炸皮薄到，咬落去就好似冇乜炸粉咁，但又食到炸天婦羅嘅風味，根本係啖啖肉，真心好正!! 原本唔太好天婦羅嘅我，只諗住食甜薯天婦羅。但卻好味到食埋朋友打算食嘅蟹棒天婦羅 同 海老天婦羅。所以之後又encore 多一轉天婦羅，哈哈見到點餐紙竟然有泰式嘢食，就即管試吓。冬陰公湯好有椰香味，而且唔會太辣，迎合到香港人嘅口味。而且當中嘅蝦同埋蕃茄都好大舊，唔會只着重嗰湯而忽略當中嘅料，值得一讚。此外，自家製嘅手打炸蝦餅都唔錯。肉質幾彈牙，再配上秘製醬汁，自家製真係好味D。另外，身為鯖魚控嘅我，每次去放題都一定會叫鯖魚。佢嘅鹽燒鯖魚都幾好食，唔會燒得好乾。再加幾滴檸檬落去，清新嘅檸檬配上
係環境方面，未入餐廳已經被門口貼住嘅食物相吸引住。好鍾意餐廳嘅牆紙同間隔。牆紙係日本鬧市嘅景象，就好似去咗日本咁。而枱之間都有竹簾隔住。透光之餘，又保持到私隱度，仲增添咗日本風味添。
喺食物方面，都有唔少選擇。最鍾意佢嘅炸天婦羅，炸粉超薄，十分驚艷。好多餐廳D 炸物，尤其天婦羅都會好厚炸粉。但呢度嘅天婦羅，D 炸皮薄到，咬落去就好似冇乜炸粉咁，但又食到炸天婦羅嘅風味，根本係啖啖肉，真心好正!! 原本唔太好天婦羅嘅我，只諗住食甜薯天婦羅。但卻好味到食埋朋友打算食嘅蟹棒天婦羅 同 海老天婦羅。所以之後又encore 多一轉天婦羅，哈哈
見到點餐紙竟然有泰式嘢食，就即管試吓。冬陰公湯好有椰香味，而且唔會太辣，迎合到香港人嘅口味。而且當中嘅蝦同埋蕃茄都好大舊，唔會只着重嗰湯而忽略當中嘅料，值得一讚。此外，自家製嘅手打炸蝦餅都唔錯。肉質幾彈牙，再配上秘製醬汁，自家製真係好味D。
另外，身為鯖魚控嘅我，每次去放題都一定會叫鯖魚。佢嘅鹽燒鯖魚都幾好食，唔會燒得好乾。再加幾滴檸檬落去，清新嘅檸檬配上魚香味，正呀!!
順帶一提，呢度嘅店員都好好人。見你碟上面嘅蝦殻之類太多，會主動幫你換碟!! 唔似其他一般嘅放題，舉勁耐手都冇人理你，更何況主動幫你換碟呢？所以，呢間放題唔止嘢食好味，服務質素都幾好。下次想食放題又多一個好選擇啦～
張貼
