漁屋日本料理 (海寶花園) (已結業)

唔知多唔多人喺大埔返工呢？我哋喺大埔返工，加上因為我老細住大埔，所以我哋嘅annual dinner都選擇喺大埔，而老細見我哋班後生鍾意食日本嘢，所以請我哋嚟呢間食放題，訂咗位，去到唔駛等就有位，雖然唔係豪裝，但環境同座位都非常舒服。食放題當然主打刺身啦！有三文魚、帶子、甜蝦、赤貝等等，賣相相當吸引！三文魚好新鮮好肥美，食落油脂豐富，超好味！帶子大大粒，好彈牙，食多幾粒都回本！甜蝦都一樣好大隻，蝦頭仲有好多高，肉質爽口彈牙！至於天婦羅又點少得炸蝦，唔會太多炸粉，上枱又夠熱又夠脆，口感唔錯！至於，老細話佢一把年紀，要食啲熱嘢，所以呢個牛肉鍋，就啱晒佢。值得一讚係，服務一流又無漏單！