榮式燒雞扒

營業中

休息中

平日午飯時間，都要等四五個字先有位，不過店員態度都算唔錯。但可能因為外賣單太多，廚房有點應接不暇，所以有幾枱食客都要追單，呢點係需要改善下，始終堂食既都應該有番D priority，否則辦公室一族會太趕吧。今次我試左榮式雞扒撈檬。平時食越南野都特別鍾意點撈檬，因為加左酸酸地既魚露，出錯機會真係好細。之前黎榮式，我都係叫招牌榮式燒雞扒飯，今次想試新野。見到餐牌仲好多選擇，撈丁、烏冬、手工麵咁，除左雞扒仲有其他肉揀。榮式燒雞扒既質素經常都咁有保證，不過每次都覺得稍為咸左些少。而雞扒同撈檬就真係唔太合拍，可能係因為燒雞扒本身已經有蔥油，再加魚露味道撞撞地啦，反而之前試過胡麻醬撈烏冬就覺得幾好。不過最夾既始終都係招牌雞扒飯！無論點，俾多D選擇食客都係唔錯既。都係難得既本地特色好味道！蘭杜街真係好多野食，呢度四十幾蚊包野飲，的確係午飯好地方。