戀上台式料理 (已結業)

今日放假過去將軍澳探一探個朋友新居入伙，順便同佢食個lunch。見到呢間戀上台式料理😍個名好正😂，見佢啲嘢都幾啱食，所以入左去一試。地方都算大，環境唔錯，門口有幾張開陽嘅枱可以望住過海用餐，最啱男女朋友拍拖食飯。我同朋友叫左2個lunch set $108 秘製酸菜魚套餐，包珍珠米（可以轉滷肉飯/刀削麵/陽春面）+桂圓紅棗茶魚肉份量都好足，直頭係2人份量，所以呢個價錢認真超值🤩。味道方面，香濃湯底配埋鹹酸菜😋，入味帶點微辣，薄切嘅鱸魚肉，厚薄一樣，肉質爽滑溜無骨，嫩滑得嚟魚肉又唔會散。再配上大豆芽非常開胃又不覺油膩👍$128 芝士爆漿脆豬扒配滷肉飯 + 柚子茶香炸脆豬扒非常厚肉，外脆內軟。每一口都夾雜着濃郁嘅芝士鹹香😋$15 套餐追加左滷水牛展，😂😂😂大大塊入味滷水牛展，慢煮方式令牛汁保留，肉身淋身入味。仲有好幾款套餐追加食物下次可以試多幾款,認真抵食🤪🤪$68 蒜泥白肉 - 非常消暑的涼拌菜，每一口都有齊爽、香、麻和辣多重口感，特別醒胃。😋$38 生煎包，即叫即整。皮薄餡靚。🥰總括嚟講，性價比高，相當抵食嘅台灣風味🥳