牛大人台灣火鍋吃到飽 (荷李活商業中心)

呢間小貴，但真心易回本。 揀左日本黑毛和牛A4+ 套餐，7點半前離座平少少，$458加一。黑毛和牛，油脂分佈均勻，入口即溶。

鍋底揀左鴛鴦鍋，聰明魷魚沙茶鍋比較濃味，有D烤魷魚既風味，而養生菇菌燉雞鍋，菇味好出，相對比較清。

除左黑毛和牛，仲有鮑魚、海鮮，同雪糕都係回本推介。有齊Mövenpick, Häagen-Dazs 同Dreyer's, 仲有大熱笨NANA。好少見會齊晒三大品牌雪糕。套餐仲送海鮮拼盤同M9和牛牛丸。

飲品除左汽水、冷泡茶，仲有手調飲品，連啤酒同港式檸檬茶18+都係任飲，即係Vodka，檸茶中帶有少少酒味，非常易入口。

多款食品台灣直送，仲有特色台灣小食，鹽酥雞、甜不辣等。推介蝦蝦霸霸脆多士，勁脆勁好食。阿嬷豆乾魚蓉麵都好香，好好食。