瑞士咖啡室 (已結業)

又到食茶餐嘅時間，但係將軍澳真係到到都咁多人，想搵間有位嘅餐廳食野都難。呢度位於比較隱敝嘅明德商場。實在太肚餓，所以叫左三個餐食。西多士西多士好平，仲要好厚，但係可能用嘅包唔係咁好，所以切落去好困難，好難切得開。沙爹牛潛艇堡配薯條潛艇堡就只係將啲沙嗲牛肉放係個包上面（如圖），略嫌有啲普通。不過薯條熱辣辣都唔錯，可惜份量唔算多。多士配炒滑蛋 呢個餐都係不過不失，多士都幾脆，而且滑蛋都唔錯，炒得啱啱好，唔會話太生或者太熟，都幾滑。瑞士雞翼原本應該係兩隻雞全翼，但係佢賣哂，唯有轉做4隻雞中翼。瑞士汁食落甜甜地，雞翼大大隻，唔錯！公仔麵 成碗麵就真係咩都冇，好普通。