千海水產海鮮火鍋放題

營業中

休息中

朋友好鍾意食海鮮，今日專程帶朋友嚟九龍灣千海水產海鮮火鍋放題， 呢度嘅海鮮勁多款仲要好高質， ， 店員仲要不停補貨。 蝦嘅品種都有三款， 大頭蝦、草蝦、基圍蝦 ， 另外沙白、蜆、花甲、花螺、 花蟹、藍蟹、三點蟹， 仲有大大隻鮑魚都係任撈任食。 見住朋友 一桶桶拎返嚟，淨係食海鮮已經回咗本😂。海鮮非常生猛， 花蟹鮮甜美味， 三款蝦各有特色肉質緊實，口感上乘， 必食大頭蝦蝦膏滿滿好鲜味， 鮑魚勁大隻爽口彈牙， 生蠔鮮甜可口。另外肉類同部分熟食qr code落單，最鍾意美國a5和牛油脂分佈平均肉味香濃、 蒜蓉烤生蠔鮮甜美味脹卜卜 加上蒜蓉調味 非常惹味， 乳鴿皮脆肉嫩熱辣辣。佢哋嘅甜品絕不馬虎， 選擇款式多，每一件都精緻美味， 忌廉泡芙、 花樣大福、 葡撻、 士多啤梨荔枝蛋糕、碎朱古力蛋糕、 杏仁條、 爆漿麻薯、 抹茶蛋糕、布朗尼、 雲石芝士撻 、伯爵榛子蛋糕、 香芋布甸、 仲有平時出面買都要幾十蚊一件嘅半熟芝士蛋糕等等， 甜品控不能錯過。外面自助區 仲有好多不同蔬菜、前菜、生果、熱食選擇， 雪糕櫃仲有我最鍾意嘅 häagen-dazs 雪糕任食添， 今餐大滿足。