和吧 (已結業)

==============================放左工想飲下嘢輕鬆下就搵到依間日式酒吧《和吧》。因為政府規定，依家入酒吧都是需要提供快測結果嘅相片。記住早啲係屋企做完再出黎。酒吧牆上都排住舊日式嘅poster, 一邊牆上更加排滿各種各樣嘅日式清酒，場面相當震撼。一場黎到一定要試下佢哋嘅清酒。每一杯$90第一支試嘅係 風の森 露葉風 807 米酒 風の森呢個牌子近期喺日本好受歡迎，米種採用種植比較困難嘅露葉風。米味比較重，口感清爽，酒精度又唔會覺得太高。第二支試嘅係出羽櫻 雪女神 四割八分 純米大吟釀雪女神其實就係山梨縣產量稀少嘅釀酒米酒，果香味重，易入口，酒精度感覺上比起第一支會比較高。飲酒一定要配小食，咁今次就叫咗椒鹽粟米 $58。粟米經過油炸，配合埋椒鹽一齊好惹味。另外仲叫咗一串燒無骨雞翼（4隻），一邊飲酒一邊食串燒好正。