好豆製研究所 (已結業)

第二次申請visa入元朗國，我係唔會放過機會去試特色嘢，朋友同我第一站就去beanlab，好多款有選擇困難症既我揀咗特濃微糖，太頸渴既關係我係一口氣飲咗一支，豆味好香濃，可惜太細支，於是我再買多支今次買珈琲味留返遲尐飲。朋友揀咗茶味，佢覺得茶味同豆味唔算好夾，另外佢買咗支紅豆，佢嫌紅豆太少，如果再多尐就正！難得一間以豆漿做賣點既小店，而且做得唔差，雖然貴咗尐尐，之但係味道值得一飲再飲，店員斯文有禮貌，俾完錢靚靚店員會溫馨提示飲之前先搖勻，下次入元朗國我會再幫襯！