Nafafa Thai Cuisine & Lounge (已結業)

呢間泰菜環境好靚已經再訪左幾次🫢今次嚟試下人氣菜式款款都好食 非常推薦‼️特別係大河蝦🦐大隻又多膏🔸NAFAFA蝦餅 $78蝦餅炸到金黃香脆，食落外層脆卜卜，裡面嘅蝦肉好鮮甜彈牙，口感外脆內軟，點埋特製醬汁食更惹味。🔸海鮮炒河粉 $168呢度河粉用咗多款海鮮，包括帶子、青口同埋魷魚，非常足料。河粉炒得好出色，每條粉都掛晒汁，口感非常滑溜，但食落唔會好油膩。🔸炭燒豬頸肉 $108豬頸肉份量都好多，外層烤得好焦香，食落肉質好嫩滑，完全唔乾唔韌，同個醬汁幾夾。🔸泰國大河蝦 $368大河蝦大隻到有成隻手腎咁長，烤完後啖啖肉，蝦肉好實正好彈牙，味道鮮甜，配有兩款醬汁點嚟食。蝦膏多到滿瀉，味道非常甘香，邪惡到不得了。