金啫の鍋 (已結業)

冬天和朋友聚會，少不了食火鍋，朋友喜歡還喜歡食雞煲，佢帶左我去油麻地金啫之鍋，火鍋店在樓上舖，主打雞煲火鍋放題。設置有大雪柜，放有火鍋配料和飲品，擺放整齊，客人可以任飲任食。首先是食雞煲，辣度有得揀，唔係好食得辣，揀左小辣。雞件已調味，加有洋蔥和莞荽，放上爐邊炒邊焗，香氣四溢的雞件好人味，肉質鮮嫩惹味！每人有一份海鮮，鮑魚新鮮彈牙。店內有一個大貝殼，內有大量的蜆，侍應請每枱其中一位客人戴上手套，用雙手一次過撈起蜆，撈幾多，那枱客人就可以食幾多。食完雞煲，侍應就將蜆倒入鍋中炒熟，蜆吸收雞煲醬汁和雞的味道，蜆肉入味，鮮甜冇沙。食完蜆，侍應將肉和烏冬放入鍋中炒熟，待烏冬和醬汁撈均匀，肉和烏冬炒熟就食得，口感滑溜的烏冬完全吸收醬汁，十分美味！之後從數款湯底中，選擇其中一款加湯食火鍋。我們選擇豬骨湯，湯底都好濃郁。從大雪柜中拎左一些火鍋配料，全部都好新鮮，洗得乾乾淨淨，擺放得好整齊。款式都有好多選擇。最後重有甜品奉送，清甜可口。