影片
更多
2015-12-19
673 瀏覽
同姐妹慶祝生日，係大埔行黎行去最後姐妹話要食呢間，泰國菜，我鍾意！餐牌都幾多選擇，圖文並茂好吸引，最後決定叫二人晚餐。 忌廉粟米湯望上去好稀咁，入到口先知係另一回事。薯仔同粟米一齊打蓉再煮，每一啖都好重粟米味同厚重既口感，飲完超醒神！ 前菜，炸墨汁蝦膠口感彈牙，但係無左蝦既鮮味中間果枝係香茅，我覺得可以輕𠝹幾下再用蝦膠包住去炸，因為就咁炸連香茅味都無不過不失，鍾意香口野可以一試！ 有檸檬片既係香桃冰茶，士多啤梨既就係士多啤梨冰茶 香桃冰茶既香桃味好重又唔會太甜，啱晒有少少病既友人！我杯士多啤梨冰茶都唔弱，士多啤梨香甜味加埋紅茶少少苦澀，仲有d果肉添 鍾意士多啤梨既人一定要試！芝士煙肉焗長通粉一放入口，我幾乎喊出黎好咸，咸到覺得苦無辦法之下請侍應幫我換左一次，不過都仲係好咸（不過朋友話OK，應該係我食慣淡味野）焗大頭蝦隻蝦就一般，雪藏蝦所以D肉好梅不過下面個菜捲有驚喜！入面包住芝士海鮮飯，咬落去暖笠笠又軟綿綿，無得彈！ 菠蘿慕絲配椰奶凍成個甜品好夏威夷感覺菠蘿慕絲好清新唔會太甜，讚！配合椰奶凍即刻有種去夏威夷感覺！ 紅桑子朱力咖啡慕絲賣相真係唔太靚，見到慕絲有一粒粒同
餐牌都幾多選擇，圖文並茂好吸引，最後決定叫二人晚餐。
忌廉粟米湯望上去好稀咁，入到口先知係另一回事。
薯仔同粟米一齊打蓉再煮，每一啖都好重粟米味同厚重既口感，飲完超醒神！
前菜，炸墨汁蝦膠口感彈牙，但係無左蝦既鮮味
中間果枝係香茅，我覺得可以輕𠝹幾下再用蝦膠包住去炸，因為就咁炸連香茅味都無
不過不失，鍾意香口野可以一試！
有檸檬片既係香桃冰茶，士多啤梨既就係士多啤梨冰茶 香桃冰茶既香桃味好重又唔會太甜，啱晒有少少病既友人！
我杯士多啤梨冰茶都唔弱，士多啤梨香甜味加埋紅茶少少苦澀，仲有d果肉添
鍾意士多啤梨既人一定要試！
芝士煙肉焗長通粉一放入口，我幾乎喊出黎
好咸，咸到覺得苦
無辦法之下請侍應幫我換左一次，不過都仲係好咸（不過朋友話OK，應該係我食慣淡味野）
焗大頭蝦隻蝦就一般，雪藏蝦所以D肉好梅
不過下面個菜捲有驚喜！
入面包住芝士海鮮飯，咬落去暖笠笠又軟綿綿，無得彈！
菠蘿慕絲配椰奶凍
成個甜品好夏威夷感覺
菠蘿慕絲好清新唔會太甜，讚！
配合椰奶凍即刻有種去夏威夷感覺！
紅桑子朱力咖啡慕絲
賣相真係唔太靚，見到慕絲有一粒粒同好乾。
口感稍硬，但味道唔太甜，係用有一定純度既朱力。
咖啡慕絲都好夠味，加埋一齊會令人諗到聖誕節飲熱朱力咁滿足
張貼
