牛丼家

營業中

休息中

早排見有人話牛丼家個火鍋白雪雪一片😂是晚諗住黎朝聖，點知火鍋六月停左…咁食返牛肉飯啦。⭐牛肉併雞扒飯點左雙餸飯牛肉併雞扒，雞扒煎得香脆，肥牛軟嫩，加上肥嘟嘟珍珠米真係幾好食。⭐牛魔王烏冬見多左烏冬揀又試下先，叫左牛魔王漢堡扒配湯烏冬，塊扒依舊出色，勁多肉汁好鮮味，烏冬彈牙，甜甜地嘅湯地好味呀。⭐溏心蛋 & ⭐沙律仲加配左小食，溏心蛋好有蛋香😋沙律就大眾貨式啦。⭐白桃汁 & ⭐冰紅茶夠冰凍，爽！今日天氣太熱啦🥵原來仲多左漢堡包🤔同齊柏林個包一唔一樣呢，下次試下先。