影片
更多
2022-02-27
696 瀏覽
❝6-course tasting menu❞ ($880 + 10%)❋ Sake pairing + $580 + 10%♡ Kani (Yuzu Truffle)得少量醬汁陪襯底下鱈場蟹鮮甜味道更見突出，食落口有預計之外嘅空氣感，下底嘅脆片為清爽嘅蟹肉加添層次感，係幫手打開味蕾並令食客更期待之後菜式嘅一款前菜。♡ Broth (Kinshi-uri/Miso)奶白色嘅濃郁魚湯暖胃一流，加上內裡本有芋絲索湯，豆腐實的的而且似乎有特製調味，作為一碗口味淡麗嘅吸物非常恰當。𖤐♡ Sashimi保持主廚Rob一貫以時令食材入饌嘅風格，刺身三點亦會因應到訪嘅日子有所不同。今日享用到薄切油甘魚，加上梅香醬汁，搭配新奇但略嫌有些少搶過魚料本身鮮味。相反蝦同拖羅嘅醬汁搭配就更得宜，特別係拖羅上嘅spicy miso。加上拖羅本身紋路﹑色澤討好，口感滑溜充滿油脂，滿足感即時提升～♡ A4 Kagoshima Wagyu (Black Garlic)是日重頭戲—鹿兒島A4和牛！和牛烤至3-4成熟，色澤粉嫩，肉質軟熟，用刀輕輕一切已經可以，油脂極為豐潤，完美演澤上好嘅食材唔需要多餘調味已經係上乘享受～
❋ Sake pairing + $580 + 10%
♡ Kani (Yuzu Truffle)
得少量醬汁陪襯底下鱈場蟹鮮甜味道更見突出，食落口有預計之外嘅空氣感，下底嘅脆片為清爽嘅蟹肉加添層次感，係幫手打開味蕾並令食客更期待之後菜式嘅一款前菜。
♡ Broth (Kinshi-uri/Miso)
奶白色嘅濃郁魚湯暖胃一流，加上內裡本有芋絲索湯，豆腐實的的而且似乎有特製調味，作為一碗口味淡麗嘅吸物非常恰當。
𖤐
♡ Sashimi
保持主廚Rob一貫以時令食材入饌嘅風格，刺身三點亦會因應到訪嘅日子有所不同。今日享用到薄切油甘魚，加上梅香醬汁，搭配新奇但略嫌有些少搶過魚料本身鮮味。相反蝦同拖羅嘅醬汁搭配就更得宜，特別係拖羅上嘅spicy miso。加上拖羅本身紋路﹑色澤討好，口感滑溜充滿油脂，滿足感即時提升～
♡ A4 Kagoshima Wagyu (Black Garlic)
是日重頭戲—鹿兒島A4和牛！和牛烤至3-4成熟，色澤粉嫩，肉質軟熟，用刀輕輕一切已經可以，油脂極為豐潤，完美演澤上好嘅食材唔需要多餘調味已經係上乘享受～附上黑蒜平衡油膩感。
♡ Ika (Saffron/Lemon)
以日本米飯為材、製作出意大利飯嘅模樣。平日對墨魚汁無感嘅我有被驚艷嘅感覺( ᵒ̴̶̷̤໐ᵒ̴̶̷̤ ) 無腥味再加上面頭嘅特製mayo，調合出黎嘅味道反映出主廚Rob嘅創新fusion理念。烤墨魚口感彈牙，烤過之後鮮味更突出。
♡ Jerusalem Artichoke (Hazelnut)
新雪糕口味解鎖！菜式名稱加上雅枝竹依款食材已經散發出地中海菜嘅vibe，甘香嘅雅枝竹被處理成清甜淡雅嘅雪糕，配以甜度較高嘅醬料同hazelnut脆脆，新奇又好味。
♡ Petit Fours
有四款甜點滿足女仔嘅第二個胃～血橙啫喱糖入口先酸後甜充滿橙香，芝士法式蛋糕面頭醬料有淡淡芝士甜香配以鬆軟蛋糕，個人最愛！紅寶石朱古力食落竟然有鹹鹹地嘅脆粒，配搭特別，焦糖英式軟曲奇餅夾心似拖肥糖，為整餐作結。
整體黎講今次用餐驚喜一浪接一浪，睇得出係經過反覆試驗、去蕪存菁下先誕生出6道簡約但精緻有心思嘅tasting menu，非常值得一試！
❋ 海港城店鋪已於1月20日閉店，到訪當日聽staff講黎緊會搬去ifc呢～
𓂃𓈒 𓂂𓏸 用餐提示 𓏸𓂂 𓈒𓂃
餐店有自家裝上預約系統，要先行預約並付訂金（$200/p.p.）完成booking。整趟用餐體驗除咗上菜介紹之外，最令人滿足嘅係每位staff對食客嘅熱情款待，令食客可以無憂無慮咁享用料理～
𖤐
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♥︎♡
抵食指數 | ♥︎♥︎♥︎♥︎♥︎♥︎♥︎♡♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♥︎
用餐體驗 | ♥︎♥︎♥︎♥︎♥︎♥︎♥︎♥︎♥︎♥︎
推薦程度 | ♥︎♥︎♥︎♥︎♥︎♥︎♥︎♥︎♥︎
適合場景 | 慶祝節日、二人聚餐、in the mood for a decent meal
張貼
