味道

營業中

休息中

呢間係上環嘅小店，無諗到受歡迎到晚市都要排一陣隊。食完覺得其實等一陣都真係值得嘅！蔥油豬扒煎蛋飯配特制醬油半煎炸香茅豬扒好嫩滑，配大量蔥油，嚟嘅時候已經切好晒方便食。流心煎蛋配埋個甜甜地嘅店家特製醬油送飯一流。炸雞脾配冬蔭功河粉醃製過先炸嘅雞脾外脆內嫩，咬開仲有大量肉汁，啖啖都好味。冬蔭功湯底唔太辣啱啱好。一啖雞脾一啖河粉出奇地夾。泰式沙嗲豬肉串店員上菜時提到豬肉係泰國直送，沙嗲醬另外分開上，可以按自己喜好沾嚟食。豬肉肉質嫩滑。沙嗲醬好濃花生味，亦都食到大量花生粒。泰式奶茶及青檸梳打奶茶本身已經少甜，泰式茶葉味香濃。至於青檸梳打解油膩一流。