✿ 雜菌忌廉蘑菇湯/ 招牌足料燉佛跳牆 +$28
跟餐有姬松茸鳥雞燉湯或者雜菌忌廉蘑菇湯，咁過癮有中湯又有西湯😆揀咗雜菌忌廉蘑菇湯🍄雜菌磨菇味好勁🖤忌廉香滑稠身。佛跳牆有冬菇🍄鮑魚、花膠，食材高級🤩
✿ 招牌炸黑松露餃 $18
炸黑松露餃套餐+$18就可以享用喇，黑松露味好濃🖤成件肉結實又feel到黑松露味☺️炸餃子脆卜卜毫不油膩。
✿ 蟹肉帶子脆米龍蝦湯泡飯 $78
有埋蟹肉加埋帶子呢啲高級食材都系講緊$78真系好抵👍🏼蟹肉絲佈滿白飯側邊🦀條條新鮮，帶子大粒爽口。龍蝦湯少濃🦞送飯一流🤓湯入面食到粒粒脆米感覺好新奇😆
✿ 雞油花雕蛋白蒸大頭蝦海鮮伴烏冬 $118
個名未免太長😹雞油加花雕蛋白系中式配搭，雞油都幾多，花雕少許吧，大頭蝦蝦肉大大件，吸埋雞油花雕系中式風味。
✿ 翡翠明珠 $24
跟lunch set/ tea set用半價就可以享用特飲，翡翠明珠即班蘭+椰奶💚兩樣味道都好明顯，成杯飲曬😁組合好有夏日風情🌴
