碗屋 (已搬遷) 新店位置

之前成日聽d同事講話好好味，好抵食。今次有同事生日就決定黎呢度慶祝，順便試下係咪咁好味。可能未黎之前對呢度太大的期望，發覺唔係想像中咁好都有d失望。首先，講下d刺身。又唔可以話佢唔新鮮，但係唔知點解食落去無乜魚味。d蝦都okay既，但係總括黎講都係麻麻。之後，同事叫左d和牛燒。佢地話好正。因為我唔食牛既關係，所以無試。由於有同事生日，所以送左個 壽司蛋糕。睇落都好似麻麻地，所以無食。因為星期一至四有火鍋，所以價錢會比星期五貴。咁既然貴d，無理由唔試下嫁。我都唔記得叫左幾多野，但係火鍋的蝦幾好。我地都encore左一次，好大隻好好味。可能我地成十幾人，埋單差唔多5千蚊。覺得真係好d唔抵，5千蚊應該可以再食得好d。如果35知己黎應該會好d囉。