影片
更多
2017-09-14
163 瀏覽
去到葵芳一間雞煲烤魚火鍋專門店，當然要試吓佢嘅放題任食啦，呢一間叫做「極品煮意鷄煲烤魚火鍋」喺葵芳區比較有名的，經過我朋友介紹兩個人就上去試吓。上到去坐低，店員向我哋介紹有幾款火鍋、雞煲同埋烤魚選擇，選擇完之後，我哋就出去睇下有乜嘢火鍋配料同埋小食飲品可以食住等。近門口位置有差不多10款開胃小食，以自助形式供應，每一款食物我哋都攞咗少少，包括有「滷水雞腳」、「炸雞翼」、「炸魚皮」、「手拍青瓜」等等。估唔到「滷水雞腳」滷得好林，雞腳非常入味，一次過食咗五隻。雞煲就係「秘製極品雞煲」，雞煲亦都有辣度選擇，我哋唔係太食得辣，所以叫咗唔辣，一邊煲一邊聞到好香嘅雞煲味道，而且雞件非常多，驟眼睇都睇到有一隻雞嘅份量，雞煲肉質滑嫩，而且好入味，大多數都係肉多過骨頭，食完之後可以加湯打邊爐。配料方面，除咗有兩張點菜紙之外，出面亦都有自助形式嘅火鍋配料比客人任食，而且擺放得好整齊，分類擺放好。海鮮更可以以優惠價錢追加，另外「美國肥牛」、「五花豬腩片」、「蒙古羊肉片」、「鯇魚片」、「鯇魚骨腩」同埋「手打鯪魚滑」都係任食，真係值回票價。每一款食物都好新鮮，而我最欣賞就係「蒙古羊肉片」同埋「鯇魚骨腩」。羊肉好
上到去坐低，店員向我哋介紹有幾款火鍋、雞煲同埋烤魚選擇，選擇完之後，我哋就出去睇下有乜嘢火鍋配料同埋小食飲品可以食住等。近門口位置有差不多10款開胃小食，以自助形式供應，每一款食物我哋都攞咗少少，包括有「滷水雞腳」、「炸雞翼」、「炸魚皮」、「手拍青瓜」等等。估唔到「滷水雞腳」滷得好林，雞腳非常入味，一次過食咗五隻。
雞煲就係「秘製極品雞煲」，雞煲亦都有辣度選擇，我哋唔係太食得辣，所以叫咗唔辣，一邊煲一邊聞到好香嘅雞煲味道，而且雞件非常多，驟眼睇都睇到有一隻雞嘅份量，雞煲肉質滑嫩，而且好入味，大多數都係肉多過骨頭，食完之後可以加湯打邊爐。
配料方面，除咗有兩張點菜紙之外，出面亦都有自助形式嘅火鍋配料比客人任食，而且擺放得好整齊，分類擺放好。海鮮更可以以優惠價錢追加，另外「美國肥牛」、「五花豬腩片」、「蒙古羊肉片」、「鯇魚片」、「鯇魚骨腩」同埋「手打鯪魚滑」都係任食，真係值回票價。
每一款食物都好新鮮，而我最欣賞就係「蒙古羊肉片」同埋「鯇魚骨腩」。羊肉好大片，一疊有三片，而且條紋非常平均，半肥瘦的，灼幾分鐘就食得，味道唔會太蘇，就連唔食羊肉嘅朋友都食咗一塊。
鯇魚骨腩比我想像中多魚肉，而且魚腩位係最正嘅， 食落去口感彈牙爽口，再點豉油食認真一流。
飲品方面都有多款選擇，多不勝數，韓國嘅飲品特別多，仲有啤酒系列，每天都有一款自家製嘅涼茶，今日就係「五花茶」，好快就俾人攞晒了。
甜品除咗有多款口味嘅「雀巢雪糕杯」之外，仲有我最鍾意食嘅「啫喱」，餐廳好體貼放咗一支花奶係隔離，可以比客人自己因應份量倒落去連埋啫喱一齊食，而且一碗啫喱入面有唔同口味，所以我哋之後再encore。另外自助吧都仲有好多糖水選擇。食咗咁多野都只係＄300左右，而且貓頭鷹時間仲要係＄100一位，非常超值，嚟到葵芳區一定要試吓。
張貼
