新麻蒲 BBQ (東港城) (已結業)

東港城開多左好多餐廳，有啲都係連鎖食肆，聽啲朋友話新麻蒲好食，而一直都想試下新麻蒲嘅我就終於可以夢想成真，所以就約埋幾個同事一齊食。黎到呢到一定要食邊爐蛋同護心肉，有好多唔同款嘅肉，岩哂啲食肉獸！而呢到亦有lunch set包飲品，今次同同事就叫左幾碟肉加set。同同事一齊叫左個芝士炒年糕伴拉麵，好多芝士係面，撈匀後仲有得拉絲，好多醬汁，但d麵就有少少太腍，有點失色。而肉類我覺得護心肉好惹味，有肉汁，原本已經醃得好入味，再燒一燒之後味道更加濃。