九井壽司 (已結業)

呢間迴轉壽司店午市有定食，價錢都幾親民。呢度係自己用iPad落單，好方便。落咗一陣就到食物會由火車送來。我哋揀咗火炙刺身丼定食$68: 有蟹柳、三文魚、左口魚、帶子及玉子，都相當豐富。丼飯睇落好似好細碗，但其實入邊有好多飯。雜錦刺身當定食$78: 有三文魚、油甘魚、八爪魚，、牡丹蝦及北寄貝，我覺得呢個餐唔錯。呢度嘅定食包沙律麵及豉湯。另外，加$8有八爪魚好抵。仲散叫咗個牛肉薯餅，炸得好香脆。餐牌仲有好多唔同嘅卷物、壽司、熟食等等，應有盡有。