uen cafeteria (已結業)

一直有Follow IG，當知道有實體店真心想去支持。結果無買到外賣，仲換來一肚氣。由喺公司決定外賣自取（當時十一時多）就打電話去預先落單，結果對方就叫我哋 whatsapp/ Signal 落單，咁好喇，我哋就 Signal 下單，清楚講明兩點半倒會到達同拎外賣；我哋兩點喺公司出發，出發前有打過電話通知，我哋行過去都需要時間，對方仲話Okay，然而到達餐廳樓下兩點二十分；佢先Send Msg 叫我哋三點到。如果你哋太忙，唔夠人手去處理，其實可以唔接預先嘅 Order，而唔係我哋上到去講：「宜家幫你打尖整！」老實講，我哋唔係需要你哋嘅優待，而我哋一早溝通咗自取嘅時間，中間有兩點個鐘嘅時間，唔係你哋 last min. 話改就改，仲要俾說話我哋聽，所以我哋都即場話：「唔需要幫我哋打尖，我哋取消Order。」如果我哋訂單時間Buffer短同趕，會係我哋問題，但我哋有至少兩小時去溝通同處理，都Ensure成張訂單，佢哋呢個服務態度同處理手法，真係令人唔舒服同嬲…