壽司盛 (已結業)

今日經過花園街，見到呢間壽司店門面好吸引，主打外賣壽司,刺身…店內都有少量座位提供堂食。今晚自己一個食晚餐，即場入去買幾款刺身獨自享受😋款式選擇都幾多，落單後睇住師傅現場即叫即切🔪刺身，好新鮮！我點左幾款刺身同三隻日本廣島生蠔😋 刺身全部厚切，好新鮮！師傅話提供嘅鼓油係自家製。🐟本鮪拖羅~脂肪分佈好像雪花般，油脂甘香，入口即溶。🐟本鮪赤身~ 含脂量少，肉質實，有咬口。🐠深海池魚~ 肉質鮮嫩，入口魚油甘香。🐠金目鯛~ 肉質細膩，味道鮮美。🐚活赤貝2隻~ 橙紅色帶光澤，食落肉質爽厚，鮮味十足。🦪日本廣島生蠔~ 肉質鮮甜肥美，口感滑嫩，帶有淡淡的海水味，加上少許酸汁更提升鮮味。