文樂園 (已結業)

最近有朋友推介文樂園嘅外賣點心, 於是車車收工就決定買番屋企做lunch, 門口已經見到好多人排隊買, 係門口排嘅時候見到一個個蒸櫃擺住好多熱辣辣嘅點心已經好吸引, 樣樣都想試下, 經店員推介後, 最後車車就點左7款點心🌟蟹子燒賣皇燒賣皮薄而口感煙韌, 粒粒飽滿🌟懷舊魚翅餃車車第一次食魚翅餃, 食落口感幾豐富, 味道不錯🌟煙靭蜂巢糕食落口感軟糯, 煙煙靭靭, 甜甜地幾好味🌟香炸粒粒墨魚餅炸到金黃色, 咬落去好彈牙同鮮味唔油膩, 仲有粒粒墨魚增添口感🌟花膠灌湯餃平時好少食到外賣灌湯餃, 打開香噴噴, 餃子大大粒, 皮薄好足料🌟香滑奶皇包打開奶黃饀爆滿, 麵包柔軟煙韌 🌟麻辣豬耳豬耳口感好爽脆, 味道唔算太辣但就好惹味, 佐酒一流