茶聊 (已結業)

今日叫左外賣平台外賣，平時叫外賣都無抱啲咩期望，不過今日呢間真無幾驚喜😍😍好好味。。叫左兩個main，分別係「太平洋煎海蝦配藍青口墨魚汁意粉 $148」同「鹹蛋黃烤鳳尾蝦漢堡配凱撒沙律薯條$158」。墨魚汁意粉忌廉味好香濃，帶有少少墨魚汁香味，海蝦同藍青口好鮮味又爽口，意粉真心好好味👍🏼連外賣左都咁好食。鹹蛋黃烤鳳尾蝦漢堡，鹹蛋黃輕輕煎香，再加埋大蝦一齊炒，蝦同芝士再加埋鹹蛋黃既惹味，特別與眾不同，牛肉係安格斯牛肉👍🏼好重牛味好香口。配沙律同薯條感覺好大份咁。。佢仲有埋台式特飲叫，本來想叫奶蓋，但怕外賣左唔好飲，都係穩陣起見，叫左「超級水果茶$45」同「黑糖珍珠鮮奶$44」外賣無得Set糖度，好彩都唔算太甜，黑糖珍珠鮮奶好好味，奶味香濃珍珠Q彈。