金滿都越南餐廳 (已結業)

放假起身已經好晏, 好餓又唔想出去食, 咁就叫屋企附近既金滿都外賣啦! 雖然知道佢地出餐好快, 但係真係估唔到打完電話收線後10 分鐘左右已經可以送到上黎! 而且店員真係好有禮貌, 我地只係俾左整數唔駛找錢, 送餐店員已經90 度鞠躬致謝!越式雞扒撈檬我只係叫左一盒撈檬, 但係食店俾左2 包撈汁我, 唔會慳住慳住, 讚!!! 落左一包後, 其實都夠味了, 不過多一包做SPARE 令客人感覺良好!另外, 雞扒煎得甘香, 脆身, 又入味! 好食!檬粉份量夠多, 食唔晒呀! 咖哩牛腩飯咖哩好香, 但唔辣, 牛腩超淋又入味!作為街坊餐廳黎講, 金滿都食物質素良好!店員態度親切!不過堂食感覺就一般, 因為店細, 座位太密!