一鍋堂 (XX Arcade) (已結業)

疫情舒緩左啲，終於可以邀請朋友黎屋企食下飯，傾下計。咁懶嘅我🤭，我又黎一鍋堂買火鍋外賣，叫左個溫馨二人鍋餐，外賣自取仲有9折，抵食呀。呢度湯底多選擇之餘，食物質素有保証，今次湯底揀咗莞茜皮蛋湯，好足料好香呀，湯底越打越好味。個餐除左海鮮、肉類、餃、丸、菜、麵、飲品，仲有小食。每個類別都好多野揀。👍啲配料全部都好新鮮。我最鐘意手打陳皮牛肉滑，平時多數蝦滑、墨魚滑，呢度有牛肉滑即揀，有好香嘅陳皮加上牛肉滑滑，好想再食呀。 牛丸都正，超彈牙兼爆汁，好正。梅菜豬肉餃都好出色，咬落啖啖肉汁，香噴噴嘅肉香配梅菜香。飲品係自家制既花果茶，好滋潤。