茶聊 (已結業)

朋友未打齊針，不可以堂食，但又想試下呢間餐廳，所以點了外賣回完慢慢食。海皇櫻花珍寳蝦配龍蝦忌廉汁手工闊條麵海蝦大大隻，鮮味十足又彈牙，脆漿面沾上大量櫻花蝦，即炸超脆口，外賣依然保持水準。龍蝦忌廉汁夠濃郁，加上彈牙的手工闊條麵，煮得剛剛好，份量都夠多。招牌漢堡配凱撒沙律及薯條凱撒沙律，因為加上炸煙肉粒，所以食落更有口感！沙律醬亦平均分佈在沙律菜上，菜新鮮爽口，的確唔錯！漢堡扒大大塊，牛肉味濃，太陽蛋煎得剛好，蛋黃食的時候緩緩流出，十分滋味！包還加入煙肉，煙肉的鹹香再把牛肉漢堡提升到另一個層次。長身的薯條落了炸漿油炸，十分脆口。髒髒黑糖珍珠鮮奶(凍）少冰珍珠Q彈，而且份量幾多。奶味濃郁。黑糖和朱古力的配搭也毫無違和感。超級水果茶(凍）少冰 少甜水果茶超大杯，茶香夠，加上水果汁和百香的酸甜，配搭得很和諧。飲完整杯都是大大粒的水果，有菠蘿，士多啤梨，西瓜，蜜瓜，超足料。想不到這次的外賣也很有驚喜，下次有機會，一定要試下堂食。