合桃緣 (已結業)

📍合桃緣晚市停咗，食完飯又想食甜品，唔緊要，旺角仲有一間良心甜品店，就算外賣質素都ok💛餐廳喺廣華醫院附近，完全係鬧市嘅中心💛👅心太軟配芝麻糊雪糕心太軟即叫即焗，熱辣辣，就算外賣拎走都有擺碟（只係返到屋企想攞返堂食嘅感覺，我先至放落自己隻碟度打卡🤪）。講返個雪糕，除咗一般嘅雪糕口味，仲有火麻仁，五花茶等等，今次我都係要咗芝麻糊雪糕，完全係一碗芝麻糊雪凍嘅狀態，超級濃味！心太軟就算返到屋企都仲有流心效果，唔會太甜👍👅芒果河粉本來想要榴槤，不過餐廳話榴槤佢哋要啲時間準備，如果想食嘅朋友下次可以預先問定餐廳先。呢個芒果河粉，勁多芒果，仲要每舊芒果都係甜嘅，仲有西米，下面啲河粉幾過癮，甜甜地，唔會有好粉既感覺。