滔滔甜品 (已結業)

同屋企人叫外賣，是日試試好多人讚好的滔滔，其實幾年前食過舊店確實唔錯，新店就未試過，主打外賣，成日覺得外賣糖水好危險（？），今日試完佢外賣速遞改觀左，送到黎啲雪糕都唔算好瀜喎。點左三款，記得有選不要餐具，但都係有比匙羹嘅。屋企人點嘅紫米露配清心丸，紫米煙煙韌韌有咬口，清心丸很爽口，有啲大菜糕嘅感覺，其實咩係清心丸？另一份係紫草園，黑糖水晶爽口，芋圓有咬口，紅豆甜蜜蜜，仙草滑滑的，主角係中間的紫薯雪糕，濃濃的紫薯味仲有粒粒薯肉，特別又好味。自己點左叁元豆花，豆花好香豆味又勁滑，揀左要雲呢拿雪糕，甜甜地夠香口，同豆花很夾。另外仲有芋圓珍珠同西米，三樣都係煙煙韌韌有咬口，其中西米很特別，是紫薯西米來的，透明紫色好靚呢，要煮到一粒粒唔爛都有技巧㗎，呢度做得好。外賣速遞價比起堂食貴少少，加埋運費都可接受。