燒味滷師 (協邦大廈) (已結業)

趁着假日出完街就開心share買左燒味反屋企加加料，呢間燒味滷師開左係屯門但仲有分店係長沙灣，係抵食之選好受街坊歡迎咁。🔷禾田滷水鴨(半隻) 💰60滷水鴨配埋個蒜酸汁真係開胃，鴨肉唔肥但又好嫩唔會痴牙。份量睇相都見到滿滿一大盒，買得過。🔷燒味佬叉燒(半斤) 💰50叉燒個蜜汁味不得了，好甜蜜蜜但又唔會漏。肥瘦均勻，大約7-8成瘦，岩岩好。 🔷麻辣手撕雞(半隻) 💰60手撕雞有辣有唔辣，辣就惹味啲同新意思啲，雞肉撕得唔會太粹恰到好處。雞隻聽講係用左白羽雞種，所以都吸引左一試。🔷禾味紅腸(半條) 💰20要多左20$紅腸，切到厚薄均勻，總括呢間燒味店嘅回頭值都幾高。