夏銘記 (已結業)

我之前都係何文田生活過一排，都成日食呢間野。魚蛋同墨魚丸的確好正，魚蛋係林身個款，但好有魚味。同埋我鍾意呢度的榨醬麵，真係好好味。辣椒油係自製，真係好辣，如果你覺得唔辣只係可能你食得好辣。但食開都知呢間野D衛生真係唔好，你碗野有條蟲、甲由真係唔出奇，個廁所有時仲會有臭味。D麵個湯底同其他粉麵檔一樣都係味精，所以我覺得你淨係買魚蛋、墨魚丸同魚餃返屋企煮會好好多。