金鶴拉麵 (九龍城道) (已結業)

自疫情開始都少咗出去食，多數都係外賣返去，安全啲而且又成日都有外賣優惠，今晚決定食好耐冇食過嘅白雞湯拉麵，外賣仲有八折添。✨極濃雞白湯拉麵: 建議返嚟都係煲返熱啲湯就更加好食。個湯質地帶少少杰身，雞味好濃，入口creamy但唔會太膩，入邊d 木耳同埋京蔥份量都好多。叉燒薄薄一大片，雖然無肥位但食落好夠淋。慢煮雞胸就真係必食，好嫩滑一d 都唔嚡口，仲有兩塊，食完呢個面都好飽肚。✨日式餃子：個皮好夠薄，個餡都幾好食，而且個醋夠晒酸，好夠開胃。✨芥末八爪魚：又係好開胃嘅小食，八爪魚有鮮味，夠辣又醒神。