日溢中西美食 (已結業)

星期六返工, 貪近, 叫樓下茶餐廳由10:50分落ORDER...11:04打去問點解咁耐既~? 回答: 出左去咖勒喎, 應該到咖勒喎...11:10打去再問... 回答: 出左去咖勒喎...我打去問下啦...11:20打去你地可唔可整過份比我呀~? 等太耐勒... 回答: 佢出左去咖勒...你等下啦...11:30我終於收到呢份早餐勒...打開...通粉索哂水, 已經成為一份偏凍既田園通粉...假如, 我叫個間餐廳係隔離街, 我會包容呢件事...但係樓下既茶餐廳...送個早餐黎要40分鐘太過份囉, 啲員工態度又勁差...之前已經試過一次, 又係星期六叫外賣, 送外賣個叔叔竟然這樣說...叔叔: 平時你地都無人叫早餐, 攪到我"鐘"左上16樓, 因為多數都係16樓既人叫早餐咖嘛...我　: 係呀, 真係麻煩哂你...叔叔: 嘥哂我啲時間...之後我就唔出聲勒...我心深, 係咪我唔應該叫早餐呢~? 呢件事, 係咪因為我叫早餐, 而令叔叔行了寃枉路, 呢件事應該係我...錯...掛...真係麻煩好好檢討一下...