洋 (已結業)

洋 柴灣柴灣道350號樂軒臺地下222號舖一開頭見到個”洋”字, 仲以為食西洋野, 行到店門口見到MENU, 原來係賣日式手卷同飯餅架! 買幾款返去做宵放睇賽車時食, 通宵個人活動要食下野補充體力, 個嘴運動下嘴嚼食物又可半夜抗眼瞓。$58鰻魚飯, 切成片狀鰻魚是標準味道的, 但加埋蛋同日式甜醬油, 簡簡單單已夠好多啦,簡單才是皇道。仲送權烏龍茶手卷口味款式多, 忍唔住點個來食, $40 吞拿魚蓉海膽，海膽鮮甜美味，是重點，個紫菜好爽口, 餡多過飯。手卷幾岩邊行邊食頂下眶餓過口癮。食完我自己就鐘意呢間手卷啦,下次出開來應該會買多幾件唔同口味黎食, 同埋價錢都唔貴, 令我想起在葵芳商場已結業專賣壽司手卷那個小店。