北越牛肉粉專門店

今日好急咁樣要去一個小朋友派對, 但又未食午餐, 喺幾急嘅情況下, 去咗呢間小店 買咗一個<香茅豬扒飯>及一杯<熱奶茶>, 頂一頂個肚餓先。

原本諗住外賣攞走, 求求其其食啲嘢, 都冇乜要求, 但估唔到依個飯盒都幾好味喎! 首先啲香茅豬扒幾好味, 唔會乾身, 調味適中又唔會太鹹, 有香茅嘅味道。飯又好食, 唔會太硬。 有沙律配菜, 健康美味。跟一個甜豉油汁, 調下味, 鍾意落幾多, 自己決定, 細心。重點一係飯裏面係有一啲蔥油, 份量充足, 令到個飯更加好味。

香茅豬扒飯及熱奶茶

香茅豬扒飯

熱奶茶亦都係好飲, 不遜色於旁邊的"太x"。

有機會希望可以坐低慢慢坐低食, 試下佢哋嘅檬粉。有下次。