三多美食 (已搬遷) 新店位置

位於土瓜灣嘅三多美食兩餸飯店, 最近新開業, 已經好受街坊歡迎, 大排長龍! 三多美食兩餸飯店主打兩餸飯及三餸飯! 兩餸飯只係$28, 三餸飯只係$36, 可以堂食, 亦可以外賣, 又平又方便, 係疫情下及禁晚市堂食嘅欣物! 而且十幾款餸可以選擇, 總有一款岩口味!兩餸飯 $28 (蒸肉餅, 蒸鯧魚 加$5)蒸肉餅夠濕潤, 蒸鯧魚火候岩岩好, 配上豆豉及豉油, 好滋味!三餸飯 $36 (咕嚕肉, 炸雞翼, 魚香茄子肉鬆)炸雞翼炸至香脆! 咕嚕肉酸酸甜甜好開胃! 茄子配以肉碎，咸香味濃而且惹味，撈飯一流！