翔壽司 (已結業)

厚福街依間翔壽司, 次次想食都見到大排長龍而卻步, 而家禁左晚市堂食, 前兩日經過見到有外賣9折, 橫掂都係要外賣番去食, 又好想食SUSHI, 就入去叫左兩個SET。 一入店, 雖然入面冇得堂食冇客人, 但依然有師傅好有朝氣既也沙依媽寫~~ ORDER完師傅就係BAR枱內即整, 大概10分鐘左右就可以拎得。Omakase Sakura Set (10貫+手卷x1)先講包裝, 乾淨整齊兼夠密實, 麵豉湯用杯裝, 半小時左右番到屋企, 成袋外賣都非常完好。麵豉湯番到屋企有d凍左, 所以自己叮熱佢, 一叮完香噴噴! 因為入面加左蝦頭, 成個湯鮮味左, 仲有海帶同豆腐, 好好飲~10貫壽司件件都好新鮮, 全部都係時令食材, 特別中意既金目鯛, 肉質爽口細膩, 牧丹蝦口感, 赤貝, 拖羅海膽全部都高質!蔥拖羅蓉手卷呢個手卷有驚喜, 中心係滿滿嘅魚蓉, 週邊嘅飯都滲有魚油香, 紫菜十分薄脆, 必點之一~