鮨瀛海 (已結業)

-🔸飛機直送八貫 $148🔸海膽魚籽蔥拖羅蓉手卷 $80-出開尖沙咀行街，見到依間新開嘅外帶壽司店好似幾吸引，仲係用日本米呢，就決手買返屋企慢慢歎。好特別咁有外賣版嘅廚師發辦，我揀咗8貫，當日我就食到平目魚、真鯛、仁座鯛、白玉貝、蓮子鯛、石鯛、目仁奈、左口魚邊，店員都好親切介紹同埋話俾我知要由左手邊開始食到右手邊。食材仲要係日本直送，非常新鮮。因為我鍾意食海膽，就再叫多件手卷，估唔到外賣包裝都幾仔細，返到屋企塊紫菜都仲係脆嘅。拖羅蓉同蔥味好夾，加埋鮮甜嘅海膽，真係好滿足！