大吃大喝 (已搬遷) 新店位置

📍大吃大喝邊個話三文治🥪一定係頹食，其實三文治都可以好豐富架，油麻地呢間外賣三文治店就係例子！行過既朋友仔都可以買黎試下，佢哋有勁多份三文治，全部大大份即叫即整，好正呀🤩👅招牌勁芫荽炒蛋餐肉三文治見到佢寫住招牌點可以唔試下，身為芫荽粉絲嘅我當然要🐶衝。首先餐肉係厚切，炒蛋撈埋巨量芫荽，味道超級豐富，仲要熱辣辣，連埋烘底不得了🤤👅芋泥肉鬆三文治呢個三文治芋泥超多，甜甜地，配埋肉鬆真係好夾，軟綿綿甜甜地，夠晒飽肚感！👅黑松露滑蛋三文治呢個黑松露香到隔住個包裝都飄著浸香味，果然冇令我失望，炒蛋做到滑蛋感覺，生熟程度啱啱好，黑松露超級香🤤大家仲可以加錢試佢哋嘅自家製奶茶，茶味都幾濃郁㗎🤤