洲啤工房

營業中

休息中

呢個長洲薯棒一直都想試！同肥髀去完沙灘，經過就埋去買一支！地方只係一個櫃檯，無座位，只有外賣自取，比錢之後，店員即刻攞一支比肥髀，好大支好長，螺旋狀用竹籤串起，店外有個調味料架，有好多味道揀！我比肥髀自己揀味粉！肥髀灑了朱古力、紫菜、味鹽！分開上中下三段灑！在竹籤上搣下一塊食，先講薯片串本身，炸唔透，外圈硬（唔係脆）內圈連脆都無！淋身嘅！（我相信係炸好放了一段時間！因為無熱氣！）因為薯片本身嘅問題！所以味粉已經幫助不大！都講下味粉，肥髀揀了：朱古力--我完全接受唔到呢款，微甜配咸薯片！好怪！ 但阿女好喜歡！ 紫菜--唔可以淨紫菜，因為淡！紫菜只可以加香！唔夠咸味！ 味鹽--講唔出係乜味，咸咸香香，但肥髀只灑了好少！因為調味個金屬樽好重手，所以肥髀去到後段唔夠力，所以唔夠味！ 薯片棒唔脆加肥髀揀咗我唔鍾意嘅味！店員爽手又識攪氣氛！見小朋友買都好有禮貌！可能下次會比多一次機會嘅！不過要由我灑味粉！ 最後我哋都食唔晒！浪費一次配額！