屯の大阪章魚燒 (已結業)

今日一路掃過全屯門好味小店，用手機地圖搵咧間章魚燒店，去到已經見到有好多客人等外賣，真係堅好食咩？ 我個屯門友話咧間「屯之大阪章魚燒」好味到不得了，一試難忘，真係咁勁？ 我哋已經九成九飽都嚟試，睇下有幾好味先？！？！我哋叫完一路Keep住有客人叫章魚燒，勁～～其實個個味都想試，不過真係已經九成飽，下次一定早啲嚟食～唔想摸門釘就要睇下佢哋12月營業時間表～～最後叫咗超多明天子章魚燒（4粒$28，8粒$42），我哋個肚已經九成飽，所以叫咗4粒試吓，雖然只叫4粒，但係店員比咗超多木魚，正。食後感：「我覺咧間小店做得比我喺日本各區食果啲章魚燒較好，原因係⋯1. 章魚燒外皮酥脆內軟，章魚肉爽囗，味道唔會太咸。2. 木魚、沙津醬同埋超多明太子真係加咗好多分，真係好好好好味！3. 章魚燒做到外脆內軟，真係日本各地出名拿奬嗰啲店都要行埋邊！極打推介咧間「屯之大阪章魚燒」，滿分之章魚燒店！