荳號 (花園街) (已結業)

同朋友食飽飽都被呢間新開既飲品店吸引住店內不大，主要做外賣，既有台式飲品但亦可搵到混合港式糖水的特飲～就好似腐竹雞蛋冰號同喳咋瀑布都係以我哋由細到大食既糖水為基底所調製既特飲除左飲品，呢度仲有自選基底同配料既「車仔糖水」我同朋友每人要左杯飲品，之後我仲要左份糖水拎返屋企同家人分享我要左杯喳咋瀑布加雪糕，味道香濃又足料，係飽足感滿滿既美味特飲而朋友就自選配料既果香多多佢要左百香果口味，加入左蘆薈同寒天晶球，佢話飲落都相當舒爽而我帶返屋企既糖水就要左5款配料，揀左仙草凍做底呢份車仔糖水真係好足料，甜度亦剛好，加上有不同配料既口感，層次豐富，所以我同家人都一致讚好架