食之劇場餐廳 (已結業)

晴朗的一天，難得放假，嚟個一人遊，近近地去西貢食個Early Dinner，今次㨂咗去白沙灣酒店的日本餐廳。餐廳外面係一個碼頭，環境好靚，好似去咗外國旅行咁，天氣好好，好舒服。入到餐廳，店員態度友善，好細心介紹，佢哋係用日本直送*白神山地水*，而且冇額外收費。餐廳屬於高檔系列，套餐價錢$170起，我就揀咗精選午市定食套餐-鰻丼。鰻丼 - 包括前菜，鰻魚飯，味噌湯，甜品。前菜 - 茶碗蒸，好多湯，熱辣辣，漬物 - 牛蒡豬肉，味道好濃鰻魚飯- 即點即燒，用心製作，廚師送上，仲有溫馨提示，趁熱食，啱啱燒好架，賣相好吸引，用一個傳統日式餐盒上，好靚💕甜品 - 用一個雪凍咗左嘅碗，放上黑芝麻雪糕，唔會咁快溶，而雪糕香滑😋整體來講都唔錯，雖然係西貢，但交通方便，小巴落車，行3-5分鐘就到，沿途風景靚，好似去外國咁，餐廳食物質數高，用心製作，環境優美，日系裝修，店員服務態度好，可以好好享受，一個高質的午餐，想近近地relax下，係一個唔錯選擇。