友利冰室 x 勿當奴 (D2 Place TWO) (已結業)

店內乜嘢最吸精，就係佢個勿當奴公仔，鐘意公仔嘅我，緊係拍拍照。食午餐除咗價錢合理，重要嘅就係質素，餐牌上寫上所用嘅材料，大部份係外國入口，日本蛋、日本珍珠米、日本麵包糠和美國穀飼梅頭，而且重有雜貨買，食完飯去睇吓先。叉燒日本煎蛋飯煎蛋嘅蛋黃係流心，香香叉燒，咬口肉質軟。日式咖喱吉列豚肉日本蛋包飯我鐘意唔係甜嘅咖喱，吉列豚肉咬落係脆，肉質唔乾，再加上滑蛋，豐富嘅口感。例湯粉葛紅蘿蔔赤小豆豬肉湯飲得出煲咗幾個鐘，湯唔油亦足料。