影片
更多
2014-09-19
1087 瀏覽
雖然今年嘅夏季好似過得好漫長，中秋過後都仲喺三十多度，中午走在人多車多嘅中環，周圍高樓大廈，廢氣死沉，整個人都顯得攰啲。點都應該到咗夏末啩，抖一抖，嘆杯雪糕，好讓身心都涼快一下。位於中環萬年大廈嘅2/3 Dolci，店舖唔喺面晌皇后大道中一邊，反而晌士丹利街嗰邊仲當眼。店內環境頗寬敞，裝修簡潔，真喺幾適合三幾個朋友坐吓，飲吓嘢，傾吓偈 。既然食雪糕，目標就梗喺雪糕櫃內五顏六色嘅意大利雪糕啦，一大座雪糕櫃陳列咗16款雪糕，店員話雪糕會不時轉款。是日所見，有唔少心水味道，如熱情果、榛子、朱古力83%、伯爵茶、番石榴、鮮奶咖啡……等味，不過，一早已聽聞佢嘅開心果雪糕超好食，喺店中招牌，所以，主打之一，另外加多款鹽味焦糖 。意大利雪糕收費訂為1球（80g）$40、2球（160g）$62、3球（180g）$72、Gelato（600g）$200，此外，亦有唔同款式嘅甜品杯（$98），如Chocoholic、Guaiava Party、Hazelnut Paradise……等等，都喺以唔同味道嘅雪糕，加添多樣唔同嘅配料所做成。 Salted Caramel（鹽味焦糖）+ Pistachio（
位於中環萬年大廈嘅2/3 Dolci，店舖唔喺面晌皇后大道中一邊，反而晌士丹利街嗰邊仲當眼。店內環境頗寬敞，裝修簡潔，真喺幾適合三幾個朋友坐吓，飲吓嘢，傾吓偈 。
既然食雪糕，目標就梗喺雪糕櫃內五顏六色嘅意大利雪糕啦，一大座雪糕櫃陳列咗16款雪糕，店員話雪糕會不時轉款。是日所見，有唔少心水味道，如熱情果、榛子、朱古力83%、伯爵茶、番石榴、鮮奶咖啡……等味，不過，一早已聽聞佢嘅開心果雪糕超好食，喺店中招牌，所以，主打之一，另外加多款鹽味焦糖 。
意大利雪糕收費訂為1球（80g）$40、2球（160g）$62、3球（180g）$72、Gelato（600g）$200，此外，亦有唔同款式嘅甜品杯（$98），如Chocoholic、Guaiava Party、Hazelnut Paradise……等等，都喺以唔同味道嘅雪糕，加添多樣唔同嘅配料所做成。
Salted Caramel（鹽味焦糖）+ Pistachio（開心果）Gelato $62 2/3 Dolci嘅2/3喺表示甜度減1/3，可以講喺少甜健康。上層奶白色嘅喺鹽味焦糖雪糕，入口先嚟一朕焦糖嘅甜香，慢慢嗒落就喺點點鹹味，鹹得溫和；而下層青綠色嘅喺開心果雪糕，果然，開心果味濃得不平凡，就好似食緊開心果蓉咁濃郁，有種歷久不散嘅感覺，不愧喺招牌之作。講到質感，佢啲雪糕真喺好綿滑！
Caramel Coated Pistachio Florentine $26 / 件 順便分享上次嚟試過嘅Florentine，外表巖巖巉巉，比麥維他消化餅細少少，啪開望望，就見到原粒開心果沾勻焦糖，再以黑朱古力包實。食落朱古力本身脆脆哋，朱古力味濃郁帶點甘苦，而焦糖香引發出陣陣甜香，內裡嘅開心果仁有咬口而味濃，實在喺好平衡嘅配搭，不過,，$26一件喺倒不能經常想食嘅原因。
其實2/3Dolci唔單止有意大利雪糕、精緻嘅件裝蛋糕及咖啡，仲有輕便嘅簡餐供應，如餐湯、餡批、沙律、百吉包……等等。大可一件餡批，一杯咖啡，加一球雪糕，悠閒享受一頓簡便高質嘅午餐！
開心有時嚟得好簡單，兩款具質素嘅開心果甜點，一次過就品嚐晒，還要記掛愁悶嗎？調節一下心情，又可以輕鬆上路 。
張貼
