夏茶 (葵涌廣場)

營業中

休息中

🍹 今日嚟咗葵涌廣場試夏茶，呢間平時出名開心果飲品，但今日想轉新口味，試吓其他特飲。首先叫咗一杯楊梅大滿足，名副其實真係大滿足！入面有滿滿嘅楊梅果肉，咬落果香四溢，仲有茶凍同蒟蒻，口感層次超豐富。楊梅係酸酸甜甜嘅，配埋茶底嘅濃郁茶香，好清新又解膩，飲完真係有種放鬆嘅感覺，夏日必試呀！ 🍑 第二杯係芝士蜜桃雪沙，真係超啱夏天飲！雪沙入口透心涼，仲加咗好多蜜桃果肉，咬落又多汁又香甜。上面仲有一層厚厚嘅芝士奶蓋，鹹鹹香香嘅芝士同雪沙一齊飲落，味道好豐富又有驚喜。尤其係芝士嘅滑嫩配蜜桃嘅香甜，兩者啱啱好平衡，完全唔會膩。 ☀️夏茶真係好適合喺炎熱天氣嚟享受一杯清涼特飲，口味創新又用料十足，之後一定會再試其他款！