Amour Club & Cafe (已結業)

夏日炎炎係旺角行街，見肚餓就偶然黎到呢間樓上Cafe。睇左睇菜單，決定點一個黑松露海蝦意飯，跟餐送一杯飲品，加3蚊轉左支檸檬利賓納，共101蚊。因為是樓上cafe，所以坐耐d都唔怕，樓上Cafe就係好在一百蚊換同三五知己既一個下晝hea吹水食野，算係唔錯。點餐後飲品好快就送到黎，杯檸檬利賓納賣相唔錯，甜度岩岩好，冰陣既感覺完全滿足晒夏日降溫既需求，果然冇選錯，正。玩玩手機，等左一陣，服務員好友善咁送黎左意飯。賣相都幾好，一眼望上去，材料豐富，有黑松露碎和海蝦既陪襯下，賣相加左分。而味道方面，試左幾啖，意飯入口，黑松露味混合係飯中，香味濃郁，味道不錯。海蝦都幾新鮮，蝦中亦冇內臟，睇得出煮之前有處理過，成日都覺得冇挑到內臟好噁心。白汁調配就岩岩好，味道都幾濃，總括而言，算係不差。