A Bowl (龍景大廈) (已結業)

今日實在太熱，所以唔想食熱野，但係又想食飽飽喎，所以就揀咗鰂魚涌呢一間買壽司飯嘅店買我嘅晚餐。見到個Menu，花多眼亂，樣樣都想要。首先我揀咗壽司飯，然後加一啲刺身，三文魚，凡立貝，八爪魚，都係壽司飯唔少得嘅材料。因為仲有好多其他材料可以揀，所以我就再揀我最鍾意嘅牛油果，日本糖心蛋，估唔到食壽司都可以食到呢兩樣。再試下佢蜜糖漬車厘茄，本身只係想吸收下維他命C，點知係有驚喜咁好食，蜜糖味突出。雖然食咁大個飯，但係為健康着想都加一啲健康嘅食材，藜麥同埋秋葵，最後揀咗櫻花蝦芝麻醬，店員好好同我分開上，所以我可以自己選擇落幾多醬汁。最後仲送咗養身鮮檸檬薑蜜茶。成個飯好似藝術品咁，顏色好靚，睇見都開心。